काठमाडौँ । कुखुराको मासुको मूल्य बढेको छ । राष्ट्रिय कुखुरा बिक्री व्यवसायी संघका अनुसार कुखुराको मासुको मूल्य प्रतिकेजी १५ रुपैयाँसम्मले बढेको हो ।

योसँगै जिउँदो कुखुराको मूल्य प्रतिकेजी १० रुपैयाँले २ सय ३० रुपैयाँ कायम भएको छ । यसअघि जिउँदो कुखुरा प्रतिकेजी २ सय २० रुपैयाँ थियो । यो होलसेल मूल्य हो भने उपभोक्ताले प्रतिकिलो २ सय ५० रुपैयाँमा जिउँदो कुखुरा खरिद गर्न पाउने छन् ।

त्यस्तै, तयारी कुखुराको मासुको मूल्य १५ रुपैयाँले बढेर ३ सय २५ रुपैयाँ पुगेको छ ।

जाडो बढेसँगै उत्पादन कम हुने भएकाले कुखुराको मासुको मूल्य बढेको संघले जनाएको छ ।