काठमाडौँ । आज सन् २०२५ नोभेम्बर ११, अर्थात ११ः११ । यो दिनलाई भाग्यशाली दिनका रुपमा लिने गरिन्छ ।
तर, भाग्यशाली दिनका रुपमा लिइने यो दिनमा अत्याधिक ठगी हुने गरेको भन्दै युवाहरुले आजको दिनलाई ‘राष्ट्रिय ठगी दिवस’को रुपमा मनाउने घोषणा गरेका थिए ।
गत वर्ष मात्र ११ः११ का नाममा सामाजिक सञ्जाल र विभिन्न प्लेटफर्महरुले ठगी धन्दा चलाएका थिए । यसरी ११ः११ का नाममा चलाइएको ठगी धन्दामा थुप्रै युवाहरुले करोडौँ गुमाउनुपरेको थियो ।
यसरी ११ः११ का नाममा ठूलो ‘स्क्याम’ भएपछि युवाहरुले आजको दिन (११ः११) लाई ‘राष्ट्रिय ठगी दिवस’ मनाउने घोषणा गरेका थिए । ११ः११ लाई भाग्यशाली दिन भन्दै अहिले पनि थुप्रै प्लाटफर्मले ठगी धन्दा चलाइरहेको पाइएको छ । यस्ता ठगी धन्दाबाट जोगिन सचेत रहन आग्रह गरिएको छ ।
