काठमाडौँ । नवनियुक्त चार मन्त्रीहरुले पद तथा गोपनियताको शपथ लिएका छन् । शुक्रबार सितल निवासमा आयोजना गरिएको एक कार्यक्रमकाबीच नवनियुक्त मन्त्रीहरुले शपथ लिएका हुन् ।

प्रधानमन्त्री सुशीला कार्कीको सिफारिसमा राष्ट्रपति रामचन्द्र पौडेलले ४ मन्त्रीहरु नियुक्त गरेका थिए ।

जस अन्तर्गत श्रद्धा श्रेष्ठलाई महिला, बालबालिका तथा ज्येष्ठ नागरिक मन्त्रालय, कुमार इङ्नामलाई भूमि व्यवस्था, सहकारी तथा गरिबी निवारण मन्त्रालय, राजेन्द्रसिंह भण्डारीलाई श्रम, रोजगार तथा सामाजिक सुरक्षा मन्त्रालय र माधव चौलागाईंलाई वन तथा वातावरण मन्त्रालयको जिम्मा दिइएको छ ।