काठमाडौँ । ललितपुर महानगरले सडकको बोट बिरुवामा क्षति पुर्याउनेलाई कारवाही गरेको छ । महानगरले अफिस छेकेको भन्दै सडकको बोट बिरुवा काट्ने श्री सिट स्केभ सीसीडेन्सी समाजलाई कारवाही गरेको हो । 

कारवाहीस्वरुप समाजलाई एक लाख १० हजार रुपैयाँ जरिवाना तिराइएको महानगरपालिकाले जनाएको छ । 

महानगरका अनुसार समाजले आफ्नो अफिस छेकिएको भन्दै सडकमा लगाइएका बोट बिरुवा काटिदिएको थियो । वर्षौं मेहेनत गरेर हुर्काएको बिरुवा पसल छेकिएको बाहनामा काटेपछि कारवाही गरिएको ललितपुर महानगर प्रहरी प्रमुख सिताराम हाछेथुले बताएका छन् ।

योसँगै महानगरले सडकमा लगाइएका बोट बिरुवामा क्षति नगर्न पनि आग्रह गरेको छ । महानगरले यसअघि पोलमा विज्ञापनको पर्चा टाँस्नेलाई पनि जरिवाना तिराउँदै आएको थियो ।