काठमाडौँ । प्राइम कमर्सियल बैंकका संस्थापक सिइओ नारायणदास मानन्धरको निधन भएको छ । उनको ८२ वर्षको उमेरमा निधन भएको हो ।
प्राइम कर्सियल बैंकको संस्थापक सिइओसमेत रहेका मानन्धरको नेतृत्वमा बैंक स्थापनाको छोटो समयमै नयाँ उचाइमा पुगेको थियो । प्राइम बैंकको नेतृत्व सम्हाल्नअघि मानन्धर तत्कालीन नेपाल बंगलादेश बैंक र लुम्बिनी बैंकको सिइओ थिए ।
मानन्धरले कृषि विकास बैंक र राष्ट्रिय वाणिज्य बैंकको उच्च व्यवस्थापनमा रहेर लामो समय जिम्मेवारी निभाएका थिए । युवक मावि र युथ क्याम्पसमा प्राध्यापन समेत गरेका मानन्धरले प्राइम कमर्सियल बैंकमा सिइओ पदबाट अवकास लिँदै सक्रिय बैंकिङ जीवनबाट पनि अवकास लिएका थिए ।
मानन्धरका श्रीमती, एक छोरा र तीन छोरी छन् ।
प्रतिक्रिया दिनुहोस्