काठमाडौँ । गुण समूहका अध्यक्ष राजेन्द्र शाक्य पक्राउ परेका छन् । प्रहरीको केन्द्रीय अनुसन्धान ब्युरो (सीआईबी)ले उनलाई पक्राउ गरेको हो । 

अनुसन्धानका लागि शाक्यलाई नियन्त्रणमा लिइएको सीआईबीका एक अधिकारीले बताएका छन् ।

ती अधिकारीका अनुसार शाक्यलाई ललितपुरबाट पक्राउ गरिएको हो । प्रभु बैंक प्रकरणमा अनुसन्धानका लागि शाक्यलाई पक्राउ गरिएको बताइएको छ । 

शाक्य अध्यक्ष रहेको गुण समूहले रियल स्टेट, हाउजिङ, सिनेमाघर, मोटर पार्टस, व्यवसायिक भवन लगायतका क्षेत्रमा लगानी गरेको छ । गुण समूहले सञ्चालन गरेको गुण एयरलाइन्स भने अहिले बन्द छ ।