काठमाडौँ । चालु आर्थिक वर्षको पछिल्लो ४ महिनामा झण्डै ७ खर्ब रेमिट्यान्स नेपाल भित्रिएको छ । नेपाल राष्ट्र बैंकले सोमबार सार्वजनिक गरेको देशको वर्तमान आर्थिक तथा वित्तीय स्थिति प्रतिवेदन अनुसार कार्तिकसम्ममा ६ खर्ब ८७ अर्ब १३ करोड बढी रेमिट्यान्स नेपाल भित्रिएको हो ।

गत आर्थिक वर्षको पहिलो चार महिनाको तुलनामा यस वर्ष भित्रिएको रेमिट्यान्स ३१.४ प्रतिशतले बढी हो । गत वर्षको सोही अवधिमा रेमिट्यान्स ९.४ प्रतिशतले बढेको थियो ।

राष्ट्र बैंकको तथ्यांक अनुसार कात्तिक महिनामा मात्र १ खर्ब ३३ अर्ब ८२ करोड रेमिट्यान्स नेपाल भित्रिएको छ । अघिल्लो वर्षको सोही महिनामा विप्रेषण आप्रवाह १ खर्ब १४ अर्ब ३१ करोड रहेको थियो ।

समीक्षा अवधिमा अमेरिकी डलरमा विप्रेषण आप्रवाह २५.३ प्रतिशतले वृद्धि भई ४ अर्ब ८८ करोड पुगेको छ । अघिल्लो वर्ष यस्तो आप्रवाह ८.२ प्रतिशतले बढेको प्रतिवेदनमा उल्लेख छ ।