काठमाडौँ । नेपाल लाइफ इन्स्योरेन्सले आफ्ना सेयरधनीलाई लाभांश दिने घोषणा गरेको छ । कम्पनीले गत आर्थिक वर्ष २०८१-८२ को मुनाफाबाट आफ्ना सेयरधनीहरुलाई हाल कायम चुक्ता पूँजीको २१.०५ प्रतिशत लाभांश दिने भएको हो ।
कम्पनीको संचालक समितिको बैठकले ५ प्रतिशत बोनस सेयर र कर प्रयोजनका लागि १६.०५ प्रतिशत नगद लाभांश गरी कुल २१.०५ प्रतिशत लाभांश वितरण गर्ने निर्णय गरेको हो ।
उक्त प्रस्तावित लाभांश नेपाल बीमा प्राधिकरणबाट स्वीकृत भई आगामी वार्षिक साधारण सभाले पारित गरेपछि मात्र सेयरधनीले पाउनेछन् । हाल कम्पनीको चुक्ता पुँजी ९ अर्ब २ करोड ८७ लाख रुपैयाँ छ ।
नेपाल लाइफले आर्थिक वर्ष २०८०/८१ मा ११.०५ नगद र १० प्रतिशत बोनस सेयर वितरण गरेको थियो ।
प्रतिक्रिया दिनुहोस्