काठमाडौँ । साताको कारोबारको चौथो दिन बुधबार सेयर बजार मापक नेप्से परिसूचक घटेको छ । आज नेप्से परिसूचक १३.५२ अंकले घटेर २६३१.१७ बिन्दुमा पुगेको हो ।

नेप्सेमा कुल ३ सय ३२ कम्पनीको १ करोड ८ लाख ७३ हजार ७ सय ३ सय ७२ कित्ता सेयर खरिद बिक्री हुँदा ५ अर्ब २३ करोडमाथिको सेयर कारोबार भएको छ । आज सबैभन्दा धेरै कारोबार बन्दीपुर केवलकार एण्ड टुरिजमको भएको छ । यस कम्पनीको १८ करोड ४९ लाख ७६ हजार ७ सय ६९ रुपैयाँ बराबरको भएको छ ।

त्यस्तै, बुधबारको बजारमा सागर डिष्टिलरीका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्यमा पोजेटिभ सर्किट लागेको छ । आज सागरसहित माबिलुङ र झापा इनर्जीको सेयर मूल्यमा पोजेटिभ सर्किट लागेको छ ।

यता, समलिङ्ग पावरका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य २ प्रतिशतभन्दा धेरैले घटेको छ ।