काठमाडौँ । मंसिरमा घरजग्गा कारोबार बढेको छ । कित्ताकाट ठप्प हुँदा र जेन-जी आन्दोलनका क्रममा अधिकांश मालपोत कार्यालयमा आगजनी भएपछि घटेको घरजग्गा कारोबार मंसिरमा बढेको हो । 

मंसिर महिनामा १ लाख ५८ हजार ८ सय ९९ वटा घरजग्गा कारोबार हुँदा ५१ हजार ६ सय ३२ वटा नयाँ घरजग्गा किनबेच भएको छ ।

घरजग्गा कारोबारसँगै मंसिरमा कित्ताकाट पनि बढेको छ । मंसिरमा १ लाख २१ हजार ६ सय १८ पटक कित्ताकाट हुँदा ५५ हजार ८ वटा नयाँ कित्ताकाट भएको छ ।

कित्ताकाट ठप्प हुँदा साउनयता र जेन-जी आन्दोलनका कारण भदौमा घरजग्गा कारोबार ठप्पप्रायः थियो । सरकारले भू-उपयोगी नियमावली, २०८२ तेस्रो पटक संशोधन गर्दै कित्ताकाट खुला गरेपछि मंसिरमा घरजग्गा कारोबारमा उल्लेख्य वृद्धि भएको हो ।