काठमाडौँ । सिद्धार्थ बैंकको कायममुकायम प्रमुख कार्यकारी अधिकृत (कामु सिइओ) मा रामेश्वर प्रसाद बस्याल नियुक्त भएका छन् । मंसिर २७ गतेदेखि लागू हुने गरी बस्याल कामु सिइओमा नियुक्त भएका हुन् ।

हालका सिइओ सुन्दरप्रसाद कंडेलको चार वर्षे कार्यकाल मंसिर २६ गतेबाट समाप्त हुँदैछ । राष्ट्र बैंकको निर्देशन विपरित गैरकानुनी तलब लिएको आरोप लागेका उनी बैंकबाट बिदा हुँदैछन् ।

कँडेल बिदा हुने भएसँगै बैंकको संचालक समितिको बैठकले हाल बैंकका नायब प्रमुख कार्यकारी अधिकृत रहेका बस्याललाई कामु सीईओको जिम्मेवारी दिने निर्णय गरेको हो ।