काठमाडौँ । नेपाली काँग्रेस शेर बहादुर देउवा समूह सर्वोच्च अदालत जाने भएको छ । देउवा समूह काँग्रेसको आधिकारिकता माग्दै सर्वोच्च अदालत जान लागेको हो । 

निर्वाचन आयोगले गगन पक्षलाई काँग्रेसको आधिकारिकता दिएपछि देउवा समूह आधिकारिकता माग गर्दै आज (आइतबार) सर्वोच्च अदालत जान लागेको देउवा समूहका एक नेताले बताएका छन् । 

गगन पक्षलाई आयोगले आधिकारिकता दिएपछि देउवा समूह आयोगको सो निर्णयको विरुद्धमा छ । आयोगको निर्णयविरुद्ध कानूनी लडाईं लड्ने निष्कर्षसहित देउवा समूह अदालत जान लागेको छ । 

आधिकारिकता माग गर्दै सर्वोच्च जाने कामका लागि देउवा समूहको बैठकले पूर्ण बहादुर खड्कालाई जिम्मेवारी तोकेको छ ।