काठमाडौँ । वैदेशिक रोजगारीका लागि युके पठाउने भन्दै रकम ठगी गर्ने एक जना पक्राउ परेका छन् । पक्राउ पर्नेमा काठमाडौँ महानगरपालिका वडा नं. १५ का ३४ वर्षीय विजय गुरुङ रहेका छन् ।

उनले राम्रो देश, राम्रो काम र आकर्षक तलबको प्रलोभनमा पारेर ५ लाख रुपैयाँ ठगी गरेका थिए । उनलाई पीडितले दिएको उजुरीका आधारमा काठमाडौँ उपत्यका अपराध अनुसन्धान कार्यलयबाट खटिएको प्रहरीको टोलीले काठमाडौँ महानगरपालिका वडा नं. १४ बाट पक्राउ गरेको हो ।

हाल उनलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।