काठमाडौँ । नेपाल विद्युत प्राधिकरणका कार्यकारी निर्देशक हितेन्द्रदेव शाक्यले ४२ जना कर्मचारीको सरुवा गरेका छन् । उर्जा मन्त्रालयबाट कुलमान बाहिरिएसँगै शाक्यले ६ जना निर्देशकसहित ४२ जना कर्मचारीको एकैपटक सरुवा गरेका हुन् ।

शाक्यले सरुवा गरेका अधिकांश कर्मचारी कुलमा निकटका कर्मचारी छन् । 

सरुवा हुनेहरुमा महत्वपूर्ण विभाग मानिने उच्च भोल्टेज ग्रीड विकास विभागका प्रमुख थर्क बहादुर थापा, विद्युत व्यापार विभाग प्रमुख कमल आचार्य, विद्युत प्रणाली व्यवस्थापन विभागमा कार्यरत टेकनारायण तिवारी रहेका छन् । 

थापालाई विद्युत व्यापार विभागमा सरुवा गरिएको छ भने आचार्यलाई उर्जा दक्षता तथा चुहावट नियन्त्रण विभागमा सरुवा गरिएको छ । 

त्यस्तै, टेकनारायण तिवारीलाई भने आयोजना व्यवस्थापन निर्देशनालय अन्तर्गतको वितरण लाइन तथा सवस्टेसन विभागमा सरुवा गरिएको छ । यता तामाकोशी जलविद्युत् कम्पनीका प्रमुख विनोद भण्डारीलाई पनि उत्तरगंगा पावर कम्पनीमा सरुवा गरिएको छ । 

त्यस्तै, अपर तामाकोशी हाइड्रोका प्रमुख मनोज ताम्राकारलाई आयोजना व्यवस्थापन निर्देशनालय अन्तर्गत प्रसारण लाइन तथा सबस्टेसन विभागमा काज फिर्ता गरिएको छ । यस्तै, शाक्यले लुम्बिनी प्रादेशिक कार्यालय बुटवलका प्रमुख हरिप्रसाद पाण्डेलाई सुदूरपश्चिम प्रादेशिक कार्यालय अत्तरिया र अत्तरियाका प्रमुख मनोजकुमार यादवलाई लुम्बिनीमा सरुवा गरेका छन् । यस्तो छ सरुवा भएका अन्य कर्मचारीको विवरणः