काठमाडौँ । पाल्पा-२ बाट ठाकुर गैरे नै चुनाव लड्ने भएका छन् । नेकपा एमालेले फागुन २१ गते हुने निर्वाचनका लागि पाल्पा-२ मा गैरेलाई नै टिकट दिने निर्णय गरेको हो । 

यसअघि एमालेले पाल्पा-२ बाट विष्णु पौडेललाई उम्मेदवार बनाउने निर्णय गरेको थियो । तर, चौतर्फी विरोधपछि एमालेले पाल्पा-२ मा गैरेलाई नै उम्मेदवार बनाउने निर्णय गरेको एमाले पाल्पाका अध्यक्ष ओम बहादुर घर्तीले बताएका छन् । 

गैरेको टिकट लिएर प्रदेश अध्यक्ष राधाकृष्ण कँडेल पाल्पा जाँदैछन् । गैरेले आजै निर्वाचन आयोगमा मनोनयन दर्ता गराउनेछन् । 

गैरे यसअघिको प्रतिनिधि सभा सदस्यको निर्वाचनमा निर्वाचित भएका थिए । पार्टीले पाल्पा-२ मा कार्यकर्ता र जनताको चाहनालाई सम्बोधन गर्दै गैरेलाई टिकट दिने निर्णय गरेको भन्दै एमाले पाल्पाका नेताहरुले नेतृत्वलाई धन्यवाद दिएका छन् ।