काठमाडौँ । उपसचिव तहको परीक्षा स्थगित भएको छ । लोकसेवा आयोगले एक सूचना जारी गर्दै उपसचिव तहको परीक्षा स्थगित गरेको हो ।

आयोगले जारी गरेको सूचना अनुसार असोज २९ गते प्रकाशित सूचनाको विज्ञापन नम्बर १६६६४/१६६९१ र ०८२/८३ (आ.प्र./खुला/समावेशी) न्याय र प्रशासन र लेखापरीक्षण र संघीय संसद सेवा, रा.प. द्वितीय श्रेणी, उपसचिव (अप्राविधिक) वा सो सरह पदको परीक्षा स्थगित गरिएको छ ।

उपसचिवको परीक्षा माघ १० गतेदेखि २८ गेतसम्म हुने कार्यतालिका थियो । तर, निर्वाचनका कारण उक्त परीक्षा नै स्थगित गरिएको आयोगले जनाएको छ । 

आयोगका अनुसार फागुन २१ गतेदेखि प्रतिनिधि सभा सदस्यको निर्वाचन हुने भएपछि निर्वाचन आयोगले परीक्षा स्थगित गर्न पत्राचार गरेको थियो । सोही पत्र अनुसार आयोगले परीक्षा स्थगित गरेको हो । तर, परीक्षाको अर्को मिति भने तोकिएको छैन ।