काठमाडौँ । राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र शाह (बालेन)ले वनजंगल छेउका गाउँलाई स्थानान्तरण गर्नुपर्ने बताएका छन् । कार्यकर्तासँग कुराकानी गर्दै उनले यस्तो बताएका हुन् । 

नेपाल सरकारको नीति जंगलको छेउछाउमा बसिरहेको गाउँलाई स्थानान्तरण गर्ने शाहको भनाई छ । उनले जंगल छेउमा बस्ने नागरिकको जति जग्गा छ, त्यति नै जग्गा अन्य स्थानमा दिएर स्थानान्तरणको नीति लिनु उचित हुने बताएका छन् । 

‘जंगलको छेउछाउमा बसिरहेको गाउँलाई स्थानान्तरण गर्ने हो । उहाँहरुको जति जग्गा छ, उहाँहरुको पाँच आना जग्गा छ, दुई रोपनी जग्गा छ कति छ, त्यो हिसाबले स्थानान्तरण गरेर सरकारले अर्को ठाउँमा राखिदिनुपर्छ ।’, उनले भने, ‘मान्छेलाई जंगलसँगै राखिदिनु भएन ।’

उनले जंगल र जंगली जनावर बढेको राम्रो भएको भन्दै जंगल र मानिसलाई सँगै राख्न नहुने बताएका छन् ।