काठमाडौँ । एमाले अध्यक्ष केपी शर्मा ओलीले सार्वजनिक सम्पत्ति जालाउनेलाई कसरी कारवाही गर्ने ? भनेर आफूले सोचिरहेको बताएका छन् । झापामा जेन-जी आन्दोलनका क्रममा आगजनी र तोडफोड भएका संरचनाको निरीक्षण गर्दै ओलीले यस्तो बताएका हुन् । 

उनले सार्वजनिक सम्पत्ति, नगरपालिका, राजनीतिक कार्यकर्ताको घर जलाउनेहरु कानून अनुसार दोषी भएको बताए। 

आपराधिक गतिविधि गर्नेहरुलाई कारवाही हुनुपर्ने र अपराधलाई प्रोत्साहन गर्न नसकिने भन्दै ओलीले सार्वजनिक सम्पत्तिमा क्षति गर्नेलाई कारवाही गर्ने बताएका छन् । ‘…अरुको घर जलाएर छोडिदिन पाइन्छ ?’, उनले भने, ‘अहिलेको सरकार सायद उनीहरुकै सरकार हो । त्यसकारण उनीहरुलाई जोगाउने काम गरेको छ ।’

ओली फागुन २१ गते हुने प्रतिनिधि सभा सदस्यको निर्वाचनका लागि उम्मेदवारी दर्ता गर्न सोमबार झापा पुगेका थिए । उनले झापा-५ बाट उम्मेदवारी दर्ता गराएका छन् ।