काठमाडौँ । प्रधानमन्त्री सुशीला कार्कीले कार्यकाल पूरा नगरी मन्त्री पद छोडेर गएकोमा क्याबिनेटका तत्कालीन मन्त्रीहरुप्रति कुनै गुनासो नभएको बताएकी छिन् । सोमबार राष्ट्रिय सभाको बैठकमा पहिलो पटक सम्बोधन गर्दै प्रधानमन्त्री कार्कीले यस्तो बताएकी हुन् । 

प्रधानमन्त्री कार्कीले हाल मन्त्री पद छोडेर चुनावमा होमिएका तत्कालीन मन्त्रीहरुले मन्त्री बन्नु अघि नै राजनीतिमा लाग्ने बताएको प्रष्टिकरण दिएकी छिन् ।

राजनीतिमा लाग्ने थाहा हुँदाहुँदै पनि जेन-जीकै प्रेसरमा उनीहरुलाई मन्त्रि बनाइएको र सोही अनुसार नै बिदा गरेर पठाइएको पनि प्रधानमन्त्री कार्कीले बताएकी छिन् । ‘…जेन-जीको प्रेसरमा उनीहरु आएका हुन् । आए, गए ।’ उनले भनिन्, ‘अहिले सम्पर्क छैन ।’ 

मन्त्री रहुन्जेल उनीहरुले चिया मात्र खाएर काम गरेको उल्लेख गर्दै प्रधानमन्त्री कार्कीले उनीहरुलाई दोष नलगाउन पनि आग्रह गरेकी छिन् । प्रधानमन्त्री कार्कीको मन्त्रिपरिषद्बाट कुलमान घिसिङ, महावीर पुन, जगदीश खरेल र बब्लु गुप्ता पदबाट राजीनामा दिएर चुनावमा होमिएका छन् ।