काठमाडौँ । वैदेशिक रोजगारीका लागि विभिन्न देश पठाउने भन्दै रकम ठगी गर्ने दुई जना पक्राउ परेका छन् । पक्राउ पर्नेमा काभ्रेपलान्चोक पाँचखाल घर भएका ३५ वर्षीय रुपेश अधिकारी र धादिङ खानबेसी घर भएका ३५ वर्षीय हिरा तामाङ रहेका छन् ।

उनीहरुलाई पीडितले दिएको उजुरीका आधारमा काठमाडौँ उपत्यका अपराध अनुसन्धान कार्यालयबाट खटिएको प्रहरी टोलीले पक्राउ गरेको हो ।

प्रहरीका अनुसार अधिकारीले अस्ट्रेलिया पठाउने भन्दै ९ लाख रुपैयाँ र तामाङले स्लोभाकिया पठाउने भन्दै ८ लाख ५० हजार रुपैयाँ उठाएर सम्पर्क विहीन भएका थिए ।

हाल दुवै जनालाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।