काठमाडौँ । दुर्गा प्रसाईंलाई ५ दिन हिरासतमा राख्न प्रशासनले अनुमति दिएको छ । जिल्ला प्रशासन कार्यालय भक्तपुरले प्रसाईंलाई ५ दिन हिरासतमा राखेर अनुसन्धान गर्न अनुमति दिएको हो । 

राष्ट्र, राष्ट्रियता, धर्म, संस्कृति र नागरिक बचाउ महाभियानका संयोजक समेत रहेका प्रसाईं आइतबार बिहान पक्राउ परेका थिए । 

उनलाई जिल्ला प्रहरी परिसर भक्तपुरले आइतबार बिहान उनकै निवासबाट पक्राउ गरेको थियो । उनीमाथि ‘सार्वजनिक शान्तिविरुद्धको मुद्दा’ मा अनुसन्धान भइरहेको प्रहरीले जनाएको छ । 

प्रशासनले ५ दिन हिरासतमा राख्न अनुमति दिएसँगै प्रसाईं फागुन २१ गते (मतदानको दिन) भन्दा अघि रिहा नहुने निश्चित भएको छ ।