काठमाडौँ । नेपाली काँग्रेसका पूर्व सभापति शेर बहादुर देउवा हङकङ पुगेका छन् । उपचारका लागि सिंगापुर पुगेका देउवा थप उपचारका लागि हङकङ पुगेका हुन् । 

उनी थप स्वास्थ्य उपचार र पारिवारिक कामकै शिलशिलामा हङकङ पुगेको देउवाको सचिवालयले जनाएको छ । 

भदौ २३ र २४ गतेको जेन-जी आन्दोलनका क्रममा कुटपिटपछि घाइते भएका देउवा नेपालको उपचार पछि थप उपचारका लागि भन्दै फागुन १४ गते सिंगापुर पुगेका थिए । हाल उनै देउवा सिंगापुरबाट हङकङ पुगेका छन् ।

देउवा हङकङमा थप केही साता बस्ने बताइएको छ । थप उपचार र पारिवारिक कार्यक्रम सकेर नेपाल फर्किने देउवाको सचिवालयले जनाएको छ ।