काठमाडौँ । नेकपा एमालेका एपाध्यक्ष एवम् पूर्व सञ्चारमन्त्री पृथ्वीसुब्बा गुरुङ अग्र स्थानमा देखिएका छन् । मतगणनाको सुरुवातमा तेस्रो स्थानमा देखिएका सुब्बा अहिले अग्र स्थानमा देखिएका हुन् ।

हालसम्म कुल ९ हजार ६ सय १ मत गणना हुँदा सुब्बाले ३ हजार ३ सय ४७ मत पाएका छन् ।

त्यस्तै, नेपाली काँग्रेसका उम्मेदवार गमप्रसाद गुरुङले २ हजार ७ सय ९३ मत ल्याउँदा राष्ट्रिय स्वतन्त्र पार्टी (रास्वपा)का उम्मेदवार धर्मराज केसी २ हजार ३ सय ९२ मतसहित तेस्रो स्थानमा छन् ।

यता नेकपा उम्मेदवार हरिजङ तामाङले ४ सय ४६ मत ल्याएका छन् भने ३ सय ३८ मत बदर भएको छ । लमजुङमा महिला ३८ हजार ८ सय ५६ र पुरुष ३६ हजार २ सय २९ पुरुषबाट मत खसेको थियो ।