काठमाडौँ । गुल्मीमा राष्ट्रिय स्वतन्त्र पार्टी (रास्वपा)ले जित निकालेको छ । रास्वपाले गुल्मीको निर्वाचन क्षेत्र नम्बर १ र २ दुवैमा जित निकालेको हो ।

गुल्मी–२ मा नेकपा एमालेको किल्ला भत्काउँदै रास्वपाका गोबिन्द पन्थी विजयी भएका छन् । उनले १६ हजार ८ सय ७८ मत पाउँदा एमालेका गोकर्णराज विष्टले १६ हजार ३ सय ८२ मत ल्याएर दोस्रो भएका छन् । यता नेपाली काँग्रेसका भुवन प्रसाद श्रेष्ठले १४ हजार ४ सय ५ मत ल्याएका छन् ।

त्यस्तै, गुल्मी–१ मा रास्वपाका जित निश्चित भएको छ । भारी मतान्तरले अग्रता लिइरहेका सागर ढकालले गुल्मीमा जित्ने पक्का भएको हो । उनी निकटतम प्रतिद्वन्दी काँग्रेसका चन्द्र भण्डारी भन्दा भारी मतले अगाडी छन् ।