काठमाडौँ । व्यवसायी दीपक भट्ट र सुलभ अग्रवाललाई थप ७ दिन हिरासतमा राख्न अदालतले अनुमति दिएको छ । जिल्ला अदालत काठमाडौँका न्यायाधीश तिलकबहादुर कार्कीको इजलासले भट्ट र अग्रवाललाई ७ दिन हिरासतमा राख्न अनुमति दिएको हो ।

उनीहरु दुवैजनामाथि सम्पत्ति शुद्धीकरण सम्बन्धि कसुरमा अनुसन्धान भइरहेको छ ।

सम्पत्ति शुद्धीकरण विभागले दुवैजनालाई ३० दिनको म्याद थपको माग गर्दै अदालतमा उपस्थिति गराएको थियो । तर, अदालतले भने ७ दिनको मात्र म्याद थप गरेको छ ।

भट्टलाई प्रहरीको केन्द्रीय अनुसन्धान ब्युरो (सीआईबी)ले चैत १९ गते पक्राउ गरेको थियो भने शग्रवाललाई चैत २२ गते पक्राउ गरेको थियो ।