काठमाडौँ । श्रम संस्कृति पार्टीका अध्यक्ष हर्क साम्पाङले उडान ढिलो गर्ने एयरलाइन्स कम्पनीलाई कारवाही गर्न माग गरेका छन् । शुक्रबार प्रतिनिधि सभाको बैठकमा बोल्दै साम्पाङले यस्तो माग गरेका हुन् ।

उनले नेपालमा एयरलाइन्स कम्पनीहरुले उडान ढिलो गर्ने गरेको भन्दै बिना कारण उडान ढिलो गर्ने कम्पनीलाई कारवाही गर्न माग गरेका हुन् । 

‘संस्कृति, पर्यटन तथा नागरिक उड्डयन मन्त्रीज्युलाई ध्यानाकर्षण गराउन चाहन्छु, जहिल्यै पनि फ्लाइट ढिलो हुँदो रहेछ । बिना कारण फ्लाइट डिले गरे सम्बन्धित कम्पनीलाई फाइन गर्नुपर्ने माग गर्न चाहन्छु ।’, उनले भनेका छन् ।