काठमाडौँ । श्रम संस्कृति पार्टीका अध्यक्ष हर्क साम्पाङ राईले नेपाली सेनालाई सुकुम्बासीको लगत नदिन पालिकाहरूलाई अनुरोध गरेका छन् । सामाजिक सञ्जाल फेसबुकमा पोष्ट गर्दै साम्पाङले यस्तो अनुरोध गरेका हुन् ।

प्रतिनिधि सभा सदस्य समेत रहेका साम्पाङले सेना सुकुम्बासीको लगत माग्ने निकाय नभएको भन्दै पालिकाहरुलाई लगत नदिन अनुरोध गरेका छन् । 

‘सेनाले मागेको सुकुम्बासीको लगत कुनै पनि पालिकाले नदिनु होला ।’, उनले लेखेका छन्, ‘सुकुम्बासीको लगत माग्ने निकाय होइन सेना र प्रहरी । यो सरासर गलत छ । आतंक सिर्जना गर्न खोजिएको हो ।’