काठमाडौँ । बीमा प्राधिकरणले प्रश्न उठाएर कैफियत लेखिदिएको केहि समयपछि कम्पनीका ब्राण्डिङ विभाग प्रमुख मेघेन्द्र प्रसाद गिरीले सूर्यज्योति लाइफ इन्स्योरेन्सको जागिर छाडेका छन् । उनले सामाजिक संजालमा स्ट्याटस लेख्दै आफुले कम्पनीको जागिरबाट बिदा भएको पुष्टी गरेका हुन् ।

‘मेरो सूर्यज्योति लाइफसँगको यात्रा यहि महिनाबाट टुङ्ग्याएको जानकारी गराउन चाहान्छु।’ गिरीले फेसबुकमा लेखेका छन्, ‘यो केहि कठिन केहि हौसलापूर्ण यात्रामा मलाई प्रत्यक्ष तथा अप्रत्यक्ष रूपमा साथ, सहयोग र विश्वास दिनुहुने आदरणीय मिडियाकर्मीहरु, मेरा साथीहरु, विभिन्न संघसस्थाहरु लगाएत सम्पूर्णमा म कृतज्ञ रही हार्दिक धन्यवाद व्यक्त गर्न चाहान्छु। यहाँबाट पाएको अनुभव र मिठा सम्बन्धहरू नै मेरो लागि अत्यन्त मूल्यवान रहनेछन् ।’

सूर्यज्योति लाइफ इन्स्योरेन्समा गिरीबारे ‘कैफियत’ लेखेर बीमा प्राधिकरणले प्रश्न उठाएको थियो । तर, अन्तत: कम्पनीले भीआरएस स्किम ल्याएपछि उनले जागिर छाडेका हुन् ।