काठमाडौँ । नेपाल प्रहरीले डेरामा बस्नेको विवरण राख्न घरधनीलाई अनुरोध गरेको छ । अपराध नहोस् र भइहाले पनि व्यक्तिको पहिचान सहज होस् भन्नका लागि प्रहरीले घरधनीलाई डेरामा बस्नेको विवरण राख्न अनुरोध गरेको हो ।

त्यस्तै, प्रहरीले घरधनीले मागेको खण्डमा पुलिस क्लियरेन्स रिपोर्टसमेत उपलब्ध गराउने भएको छ । 

जिल्ला प्रहरी परिसर काठमाडौँका प्रवक्ता तथा एसपी पवन कुमार भट्टराईका अनुसार आवश्यक परेको खण्डमा डेरामा बस्न आउने व्यक्तिको पृष्ठभूमि थाहा पाउन घरधनीले पुलिस रिपोर्टसमेत माग्न सक्नेछन् ।

यसले आपराधिक गतिविधि रोक्नुका साथै घटना भइहाले पनि घटनामा संलग्न व्यक्तिको पहिचानमा सहज हुने प्रहरीले बताएको छ ।