काठमाडौँ । शंकर ग्रुपका अध्यक्ष शंकर अग्रवाल हाजिरी जमानीमा छुटेका छन् । सम्पत्ति शुद्धीकरणसम्बन्धी मुद्दामा पक्राउ परेका अग्रवाल आइतबार हाजिरी जमानीमा छुटेका हुन् ।

उनलाई सम्पत्ति शुद्धीकरण विभागले आवश्यक परेका बेला उपस्थित हुने सर्तमा रिहा गरेको विभागका एक उच्च अधिकारीले पुष्टि गरेका छन् । 

सोही मुद्दामा पक्राउ परेका शंकर अग्रवालका छोरा सुलभ अग्रवाल भने विभागको नियन्त्रणमै छन् । उनी शंकर ग्रुपका सञ्चालक हुन् । उनीविरुद्ध काठमाडौँ जिल्ला अदालतबाट पाँच दिनको म्याद थप गरेर अनुसन्धान भइरहेको विभागका अधिकारीले बताएका छन् ।