काठमाडौँ । १८ महिनामा नेपालबाट ६ सय बढी विदेशी नागरिक देश निकालामा परेका छन् । अध्यागमन विभागले दिएको जानकारी अनुसार पछिल्लो १८ महिनामा ६ सय ७५ जना विदेशी नागरिक देश निकालामा परेका हुन् । 

विभागले दिएको जानकारी अनुसार सन् २०२५ मा ५ सय २३ जना विदेशी नागरिकलाई देश निकाला गरिएको थियो । सन् २०२६ को मे २५ सम्म १ सय ५२ जना विदेशी नागरिक देश निकालिएका छन् । 

यसरी देश निकालामा पर्नेमा अधिकांश अवैध रुपमा नेपालमा बसेर काम गरिरहेकाहरु रहेको विभागले जनाएको छ । केहीलाई भने अवैध गतिविधिमा संलग्न रहेको पाइएपछि देश निकाला गरिएको विभागले जनाएको छ ।