काठमाडौँ । नेपाल बैंकर्स संघले बैठक डाकेको छ । नेपाल इन्भेष्टमेन्ट मेगा बैंकका तत्कालीन प्रमुख कार्यकारी अधिकृत (सिइओ) ज्योतिप्रकाश पाण्डे पक्राउ परेसँगै नेपाल बैंकर्स संघले बैठक बोलाएको हो ।

संघले बिहीबार बिहानका लागि बैठक बोलाएको छ ।

एक बैंकका सिइओका अनुसार बैठक बिहान ९ बजेदेखि सुरु हुनेछ । बैठकमा एनआईएमबिका सिइओ पाण्डेको पक्राउको विषयमा छलफल गरिने ती सिइओले बताएका छन् ।

सरकारी स्वामित्वमा रहेको स्मार्ट सेलको सम्पत्ति लिलाम गरेको प्रकरणमा प्रहरीको केन्द्रीय अनुसन्धान ब्युरो (सीआईबी)ले पाण्डेलाई बैशाख २९ गते राती करिब ८ बजे पक्राउ गरेको थियो । उनीमाथि सरकारी सम्पत्ति लिलाम गरेर राज्यलाई नोक्सानी पुर्याएको आरोप छ ।