काठमाडौँ । सरकारले डिजिटल भुक्तानी गर्दा १० प्रतिशत भ्याट छुट दिने घोषणा गरेको छ । आगामी आर्थिक वर्ष २०८३/८४ को बजेट सार्वजनिक गर्दै अर्थमन्त्री डा. स्वर्णिम वाग्लेले सो घोषणा गरेका हुन् ।

उनले खरिद गर्दा डिजिटल भुक्तानी गरे तत्कालै १० प्रतिशत भ्याट छुट दिने व्यवस्था गर्ने घोषणा गरेका छन् । हाल उपभोक्ताले भ्याटबापत १३ प्रतिशत कर तिर्दै आएका छन् ।

त्यस्तै, अर्थमन्त्री वाग्लेले पूँजीगत लाभकरलाई नै अन्तिम करको रुपमा रहने घोषणा गरेका छन् । त्यसबाहेक सरकारले ३ सय ६० वस्तुमा लाग्दै आएको अन्तःशुल्क खारेज गरिएको पनि घोषणा गरेको छ ।