काठमाडौँ । अर्थमन्त्री डा. स्वर्णिम वाग्लेले मन्त्री बनेको ३० दिनमा आफूले ३ सय निर्णय गरेको बताएका छन् । अर्थ समितिको बैठकमा बोल्दै अर्थमन्त्री वाग्लेले यस्तो बताउका हुन् । 

उनले मन्त्रालयमै दैनिक १२ देखि १६ घण्टासम्म काम गरिरहेको बताउँदै व्यस्त कार्यतालिकाका बीच पनि सांसदहरुका कुरा सुन्ने प्रयास गरिरहेको उल्लेख गरेका छन् । 

‘३० दिनमा ३ सय वटा निर्णय जति मैले गरेको रहेछु । व्यस्त समयका बीच पनि सांसदहरूलाई सकेसम्म मैले चाहेजति समय दिन सकेको छैन ।’, अर्थमन्त्री वाग्लेले भने, ‘यद्यपि छोटो उभिएरै भएपनि मैले कुरा गर्ने चाहिँ तपाईँहरू धेरैलाई थाहा नै छ ।’

त्यस्तै, अर्थमन्त्री वाग्लेले मन्त्रालयको कामलाई प्राथमिकतामा राख्न आफूले बाहिरी कार्यक्रम, उद्घाटन, माला-खादा र समारोहमा सहभागी हुने क्रम लगभग बन्द गरेको पनि बताएका छन् ।