काठमाडौँ । सरकारले राजनीतिक दल निकट कर्मचारी संगठनका कर्मचारीलाई दुर्गममा सरुवा गरेको छ । सरकारले गृह मन्त्रालय मातहतका २० जना कर्मचारीलाई दुर्गम स्थानमा सरुवा गरेको हो । 

भूमि व्यवस्था, सहकारी, संघीय मामिला तथा सामान्य प्रशासन मन्त्रालयले पठाएको सूची अनुसार कर्मचारीको सरुवा गरिएको गृह मन्त्रालयले जनाएको छ । 

मन्त्रालयका अनुसार सरुवा हुनेहरु सबै कर्मचारी नायब सुब्बा सरहका कर्मचारी छन् । सरकारले कर्मचारी युनियन र एमाले निकट कर्मचारी संगठनका नेतालाई सरुवा गरेको छ । 

यसरी दल निकट कर्मचारी संगठनका नेताहरुको दुर्गममा सरुवा भएपछि कर्मचारी संगठनका पदाधिकारीहरुले सरकारले प्रतिशोधपूर्ण तरिकाले कर्मचारी सरुवा गरेको भन्दै आपत्ति जनाएका छन् ।