काठमाडौँ । नागढुंगा सुरुङमार्ग सञ्चालन गर्न निर्देशन दिइएको छ । प्रतिनिधिसभा अन्तर्गतको पूर्वाधार विकास समितिका सभापति आशिष गजुरेलले साउनको दोस्रो हप्तादेखि सुरुङमार्ग सञ्चालन गर्न निर्देशन दिएका हुन् ।

उनले निर्माण सकिसकेको अवस्थामा अब पनि सुरुङमार्ग सञ्चालनमा ढिलाइ गर्न नहुने बताएका छन् । 

यसअघि सुरुङमार्ग २०८२ माघ महिनामा सञ्चालन गर्ने भनिए पनि फेरि साउनको दोस्रो हप्ताका लागि समय सरेकोप्रति असन्तुष्टि जनाएका छन् । 

त्यस्तै, गजुरेलले नागढुंगा सुरुङमार्ग सञ्चालनका लागि निजी क्षेत्र छनोट भइसकेको र कार्यविधि र दररेटसमेत तय भइसकेको अवस्थामा अब भने सुरुङमाग सञ्चालन गर्नु ढिला गर्न नहुने बताएका छन् ।