काठमाडौँ । दैलेखको भैरवी गाउँपालिका अध्यक्ष पक्राउ परेकी छिन् । बैंकिङ कसुरमा मुद्दामा प्रहरीले गाउँपालिका अध्यक्ष रिताकुमारी शाहीलाई पक्राउ गरेको हो । 

उनलाई शुक्रबार नै पक्राउ गरिएको जिल्ला प्रहरी कार्यालय दैलेखले जनाएको छ । 

५ लाख रुपैयाँ बराबरको बैंकिङ कसुरको आरोपमा उजुरी परेपछि उनलाई पक्राउ गरिएको हो । प्रहरीका अनुसार प्रहरीले बोलाएपछि जिल्ला प्रहरी कार्यालय पुगेकी उनलाई हिरासतमा राखेर अनुसन्धान अघि बढाइएको प्रहरीले जनाएको छ ।