काठमाडौँ । व्यवसायी शेखर गोल्छा रिहा भएका छन् । मंगलबार जिल्ला अदालत काठमाडौँले हिरासतमा राख्न म्याद थप नगर्ने आदेश दिएसँगै उनी रिहा भएका हुन् । 

अदालतले म्याद थप गर्न अस्वीकार गरेपछि गोल्छालाई हिरासतमुक्त गरेर श्रीमतीको जिम्मा लगाइएको प्रहरीको केन्द्रीय अनुसन्धान ब्युरो (सीआईबी)का एक अधिकारीले बताएका छन् । 

ती अधिकारीका अनुसार गोल्छालाई आवश्यक पर्दा उपस्थित हुने सर्तमा रिहा गरिएको हो । यसअघि सर्वोच्चको परमादेश अनुसार धितोपत्र सम्बन्धी कसुरमा ५ लाख धरौटी बुझाएर रिहा भएका गोल्छा बीमा सम्बन्धी कसुरमा पक्राउ परेका थिए ।