काठमाडौँ । पूर्व अर्थमन्त्री विष्णु पौडेल पक्राउ परेका छन् । सेयर कारोबार र सम्पत्तिको शंकास्पद स्रोतको अनुसन्धानका लागि पौडेललाई सम्पत्ति शुद्धीकरण विभागले पक्राउ गरेको हो ।

उनलाई सम्पत्ति शुद्धीकरण सुर्खेतबाट पक्राउ गरिएको प्रहरी स्रोतले पुष्टि गरेको छ ।

स्रोतका अनुसार पौडेल पार्टीको कार्यक्रमका लागि सुर्खेत पुगेका थिए । पक्राउ परेका पौडेललाई काठमाडौँ ल्याउन लागिएको स्रोतको दाबी छ ।

हाल उनलाई जिल्ला प्रहरी कार्यालय सुर्खेतमा राखिएको छ । हवाई वा स्थलमार्गमध्ये कुन मार्गबाट काठमाडौँ ल्याउने विषयमा आवश्यक छलफल भइरहेको छ । सकेसम्म उनलाई आजै काठमाडौँ ल्याइएको स्रोतले बताएको छ ।