काठमाडौँ । विज्ञान, प्रविधि तथा नवप्रवर्तनमन्त्री महावीर पुनले देशसँग पिरती लगाउँदा आफू मन्त्री बन्न पुगेको बताएका छन् । बिहीवार प्रतिनिधि सभा बैठकमा आफ्ना मन्त्रालयको विनियोजन शीर्षकमाथि सांसदहरुले उठाएका प्रश्नको जवाफ दिने क्रममा उनले यस्तो बताएका हुन् । 

सुरुमा गाउँसँग पिरती भएको र अहिले जिल्ला हुँदै देशसँग परिणत हुँदा आफू सांसद र मन्त्री बनेको बताएका छन् । 

‘एउटा गीत छ- म त यस्तो होइन दाइ, पिरतीले जोगी बनायो । यो पहिला पहिला गाइन्थ्यो ।’, उनले भने, ‘अब म पनि सांसद र मन्त्री हुने मान्छे होइन । तर पिरतीले सांसद र मन्त्री बनायो ।’ 

त्यस्तै, उनले पिरतीले जोगी बनाएको गीतको स्मरण गराउँदै आफू व्यवहारिक रुपमा सोही गीतले भनेझैँ जोगी भएको बताएका छन् ।