दाङ । तुलसीपुर उपमहानगरपालिकाले ५ सय जनालाई सुधारिएको चुलो वितरण गरेको छ । उपमहानगरपालिकाले १९ वडामा २६ वटाका दरले ५०० वटा फलामे चुलो वितरण गरेको हो ।

वैकल्पिक ऊर्जा प्रवद्र्धन केन्द्र, हरित जलवायुकोष र तुलसीपुर उपमहानगरपालिका एवं उपभोक्ताको लागत सहभागितामा चुलो वितरण गरिएको उपमहानगरपालिकाका मुख्य सम्पर्क व्यक्ति टेकबहादुर खड्काले जानकारी दिएका छन् ।

वितरण गरिएका चुलोमा १५ प्रतिशत उपमहानगरपालिकाले, पाँच प्रतिशत उपभोक्ताको र बाँकी वैकल्पिक ऊर्जा प्रवद्र्धन केन्द्र र हरित जलवायु कोषले व्यहोर्ने भएको छ ।

चुलो विद्युतको सहायताले बल्छ, जसले गर्दा दाउरा तथा गुइँठाको बचत हुने भएकाले नागरिकको चाहना अनुसार चुलो वितरण गरिएको उपमहानगरपालिकाले जनाएको छ ।