काठमाडौँ । विज्ञान, प्रविधि तथा नवप्रवर्तन मन्त्री महावीर पुन सिंहदरबार सरेका छन् । बुधबार बिहान आफ्नो सामानसहित उनी सिंहदरबारमा सरेका हुन् । 

सिंहदरबारस्थित विज्ञान, प्रविधि तथा नवप्रवर्तन मन्त्रालयमा सामान सार्दै मन्त्री पुनले अब आफू मन्त्रालयमै बसेर काम गर्ने बताएका छन् ।

प्रधानमन्त्री बालेन्द्र शाह (बालेन) नेतृत्वको सरकारले पुनलाई मंगलबार मन्त्री नियुक्त गरेको थियो । उनले मंगलबार नै राष्ट्रपति रामचन्द्र पौडेलबाट मन्त्रीका रुपमा शपथ ग्रहण गरेका थिए ।

शपथपछि पदभार ग्रहण गर्दै मन्त्री पुनले आफू मन्त्रालयमै बसेर काम गर्ने घोषणा गरेका थिए । सोही क्रममा उनले मन्त्रीका रुपमा ३ वर्ष मात्र काम गर्ने आफ्नो इच्छा भएको पनि बताएका थिए ।