काठमाडौँ । साताको कारोबारको अन्तिम दिन शुक्रबार सेयर बजार मापक नेप्से परिसूचक घटेको छ । शुक्रबार नेप्से परिसूचक २ अंकले घटेर २६४९.५१ बिन्दुमा पुगेको हो ।

नेप्सेमा कुल ३५९ कम्पनीको ७७ लाख २७ हजार ६४९ कित्ता सेयर खरिद बिक्री हुँदा रू. ३ अर्ब ९४ करोडमाथिको सेयर कारोबार भएको छ । आज सबैभन्दा धेरै कारोबार ग्लोबल आइएमई बैंक लिमिटेड डिबेन्चर २०८६/८७को भएको छ । यस कम्पनीको ३३ करोड १६ लाख रुपैयाँ बराबरको कारोबार भएको छ ।

आजको बजारमा स्नो रिभरका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्यमा पोजेटिभ सर्किट लागेको छ ।

यता, कालिका लघुवित्त वित्तीय संस्था लिमिटेडका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य १० प्रतिशतभन्दा धेरैले घटेको छ ।