काठमाडौँ । साताको कारोबारको तेश्रो दिन बुधबार सेयर बजार मापक नेप्से परिसूचक बढेको छ । बुधबार नेप्से परिसूचक २.६६ अंकले बढेर २७८०.२५ बिन्दुमा पुगेको हो ।

नेप्सेमा कुल ३४७ कम्पनीको १ करोड ३५ लाख २१ हजार ६१९ कित्ता सेयर खरिद बिक्री हुँदा रू. ५ अर्ब ७३ करोडमाथिको सेयर कारोबार भएको छ । आज सबैभन्दा धेरै कारोबार आँखुखोला जलविद्युत् कम्पनी लिमिटेडको भएको छ । यस कम्पनीको ४४ करोड २३ लाख रुपैयाँ बराबरको कारोबार भएको छ ।

आजको बजारमा कालिन्चोक हाइड्रोपावरका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्य १४ प्रतिशतभन्दा धेरैले बढेको छ ।

यता, नेपाल पुनर्बीमा कम्पनी लिमिटेडका लगानीकर्ताले सबैभन्दा धेरै गुमाएका छन् । यस कम्पनीको सेयर मूल्य ५ प्रतिशतभन्दा धेरैले घटेको छ ।