काठमाडौँ । आज (सोमबार) देखि प्रतिनिधि सभाको बैठकमा बजेटमाथि छलफल हुँदैछ । बैठकमा आर्थिक वर्ष २०८३/८४ को बजेटमाथि छलफल हुने भएको हो ।

आगामी आर्थिक वर्षका लागि अर्थमन्त्री डा. स्वर्णिम वाग्लेले जेठ १५ गते २१ खर्ब २४ अर्ब ३४ करोडको बजेट सार्वजनिक गरेका थिए ।

सोमबार दिउँसो १ बजे बस्ने प्रतिनिधि सभाको बैठकमा मन्त्री वाग्लेले ‘आर्थिक वर्ष २०८३/८४ को राजश्व र व्ययको वार्षिक अनुमानमाथि सामान्य छलफल प्रारम्भ गरियोस्’ भन्ने प्रस्ताव प्रस्तुत गर्ने कार्यसूची छ ।

सो प्रस्ताव संसदमा प्रस्तुत भएपछि सांसदहरुले छलफलमा भाग लिने कार्यसूची छ ।