काठमाडौँ । सुदूरपश्चिमका मुख्यमन्त्री ट्राफिक कारवाहीमा परेका छन् । सवारी नियम उल्लंघन गर्दै सवारीसाधन चलाएपछि ट्राफिक प्रहरीले सुदूरपश्चिमका मुख्यमन्त्री कमल बहादुर शाहलाई कारवाही गरेको हो । 

कारवाहीस्वरुप शाहलाई पाँच सय रुपैयाँ जरिवाना तिराइएको जिल्ला ट्राफिक प्रहरी कार्यालय कैलालीले जनाएको छ । 

शाहले बिना हेलमेट बुलेट बाइक कुदाएको भिडियो सामाजिक सञ्जालमा भाइरल भएको थियो । सोही भिडियोका आधारमा शाहलाई ट्राफिक प्रहरी कार्यालय कैलालीका प्रमुख रेशम आचार्यसहितको टोलीले शाहकै निवासमा पुगेर चिट काटेको हो ।