काठमाडौँ । जग्गाको मूल्य बढेको छ । सरकारले देशभरीका जग्गाको मूल्य १० प्रतिशतसम्मले वृद्धि गरेको हो ।

काठमाडौँ डिल्लिबजार मालपोट कार्यालयले गत आर्थिक वर्षको तुलनामा जग्गाको मूल्य १० प्रतिशतले बढेको जनाएको छ । योसँगै केशरमहल, जमल, ठमेल, न्यूरोड, माइतीघर वरपरका जग्गाको सरकारी मूल्य प्रतिआना ७६ लाख ६० हजार रुपैयाँ पुगेको छ ।

यता भक्तपुर जिल्लाका मालपोत कार्यालयहरुले भने जग्गाको मूल्यमा कुनै परिवर्तन गरेका छैनन् । हाल भक्तपुरमा गत आर्थिक वर्षकै मूल्यांकन कायम गरिएको मालपोत कार्यालयहरुले जनाएका छन् ।