काठमाडौँ । राहदानी विभाग अगाडि एक व्यक्तिले आत्मदाहको प्रयास गरेका छन् । बिहीबार त्रिपुरेश्वरको राहदानी विभागको ३ नम्बर गेट अगाडि एक व्यक्तिले आत्मदाहको प्रयास गरेका हुन् । 

प्रहरीका अनुसार ती व्यक्तिले आफ्नै शरीरमा पेट्रोलियम पदार्थ खनाएर आगो लगाएका थिए । 

उनलाई उद्धार गरेर उपचारका लागि वीर अस्पताल लगिएको प्रहरीले जनाएको छ । हालसम्म ती व्यक्तिको पहिचान खुलेको छैन भने घटनाको थप विवरण आउन बाँकी छ ।