काठमाडौँ । नेपाल राष्ट्र बैंकले मौद्रिक नीति आजै सार्वजनिक गर्ने तयारी गरेको छ । राष्ट्र बैंकले आगामी आर्थिक वर्ष २०८३/८४ को मौद्रिक नीति आजै (मंगलबार) सार्वजनिक गर्ने तयारी गरेको हो । 

मौद्रिक नीति सार्वजनिक गर्ने विषयमा राष्ट्र बैंकको सञ्चालक समितिको बैठकमा छलफल भइरहेको छ । 

सम्भवतः आजै आगामी आर्थिक वर्षको मौद्रिक नीति सार्वजनिक हुने राष्ट्र बैंकका एक उच्च अधिकारीले बताएका छन् । ती अधिकारीका अनुसार कुनै अन्यथा नभए मौद्रिक नीति दिउँसो ४ः१५ बजे सार्वजनिक गरिनेछ ।

राष्ट्र बैंकका अधिकारीका अनुसार गभर्नर डा. विश्वनाथ पौडेलले मौद्रिक नीति अनलाइनमार्फत बाचन गरेपछि पत्रकार सम्मेलन गर्ने तयारी गरिएको छ ।