काठमाडौँ । साताको कारोबारको अन्तिम दिन शुक्रबार सेयर बजार मापक नेप्से परिसूचक घटेको छ । शुक्रबार नेप्से परिसूचक १.१३ अंकले घटेर २६००.७८ बिन्दुमा पुगेको हो ।

नेप्सेमा कुल ३६७ कम्पनीको १ करोड ६ लाख ६० हजार ५३७ कित्ता सेयर खरिद बिक्री हुँदा रू. ६ अर्ब ८६ करोडमाथिको सेयर कारोबार भएको छ । आज सबैभन्दा धेरै कारोबार ८.५% नेपाल बैंक डिबेन्चर २०८७को भएको छ । यस कम्पनीको ८९ करोड ९१ लाख रुपैयाँ बराबरको कारोबार भएको छ ।

आजको बजारमा आत्मनिर्भर लघुवित्त वित्तीय संस्था लिमिटेडका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्य १० प्रतिशतभन्दा धेरैले बढेको छ ।

यता, भगवति हाइड्रोपावर डेभलपमेन्ट कम्पनी लिमिटेडका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य ७ प्रतिशतभन्दा धेरैले घटेको छ ।